BOERDERYBESTUUR
Hierdie nasionale diploma sal studente in staat stel om boerderybestuursfunksies en -produksiebesluite te verstaan, hoe om hulpbronne te benut, finansies te bestuur en landboubates te evalueer. Hulle word ook toegerus met praktiese kennis en vaardighede rakende plant- en veeproduksie asook basiese instandhouding in die Suid-Afrikaanse landbou-omgewing.
Kwalifikasie
- Nasionale Diploma (N4-N6) in Boerderybestuur en Meganisasie
Toelatingvereistes
- Graad 12-kwalifikasie | NSS | N3-sertifikaat
- Graad 12 Wiskunde 40% | Wiskundige Geletterdheid 50% | Tegniese Wiskunde 40%
Modules
In hierdie leerarea leer jy, as voornemende boer, die basiese rekeningkundige beginsels wat jou in staat stel om begrotings op te stel, inligtingstelsels te ontleed en finansiële state, balansstate en inkomstestate te interpreteer
Hierdie leerarea fokus op die basiese rekenaarvaardighede soos van toepassing in Microsoft Word, Excel, Access en Power Point.
Hierdie leerarea bemagtig die student met vaardighede om basiese instandhouding op die plaas te doen. Dit sluit voertuigonderhoud, basiese sweistegnieke, geboueen elektriese installasies, sowel as gesondheids- en veiligheidsprosedures in.
Die funksies en verantwoordelikhede van alle rolspelers in die landbou, asook omgewingsfaktore wat landbou beïnvloed, word in dié leerarea behandel. Die opleiding fokus op die boer as entrepreneur en sluit die beplanning van die boerdery en die boedel, asook ‘n oorsig van die belangrikste aspekte van versekering wat op die boer van toepassing is, in.
Hierdie module was vantevore by die kurrikulum ingesluit in die vorm van addisionele nie-kredietdraende kursusse. Die kursusse is egter nou by die sillabus ingesluit en word as ‘n volwaardige N4, N5 en N6 aangebied. Daar word gekyk na grond- en plantkunde en lewende hawe, insluitend pluimvee-, skaap- en bokproduksie en beeste, om maar ‘n paar te noem.
Opleidingsmodel
Hierdie kwalifikasie is hoofsaaklik daarop gemik om aan die leerder tegniese, teoretiese, praktiese en werkplekkennis en -vaardighede te gee wat in dié beroepsarea vereis word. Die ontwerp van hierdie kwalifikasie is sodanig dat dit leerders in staat stel om progressief die Nasionale N-diploma te verwerf sodra die vereiste praktiese werkskomponent voltooi is. Klasse word in Afrikaans aangebied, maar sekere studiemateriaal word slegs in Engels uitgereik.
Opleiding geskied aaneenlopend in drie fases, naamlik teoretiese, praktiese werkswinkel- en werkgebaseerde opleiding. Die teoretiese en praktiese opleiding geskied oor ’n tydperk van twee jaar en word in Orania afgelê. Studente is verplig om alle kontaksessies, waartydens die lektor die voorgeskrewe teorie met hulle sal behandel, by te woon. Klasse neem daagliks tussen 08:00 en 09:00 in aanvang en kan met inbegrip van pouses en middagete tot 16:30 duur. Nadat die student gedurende hierdie tydperk al sy/haar N4-, N5- en N6-modules se eksamens suksesvol voltooi het, begin die werkgebaseerde opleiding. Laasgenoemde werkgebaseerde blok strek oor 12 maande.
Hierna dien die student hul volledige portefeulje van bewyse in om die diploma te verwerf.
POTENSIËLE WERKSGELEENTHEDE
NÁ VOLTOOIING VAN DIE KURSUS
POTENSIËLE WERKSGELEENTHEDE NÁ VOLTOOIING VAN DIE KURSUS
- Boer
- Plaasbestuurder
- Plaastoesighouer
- Landbou bemarker
- Landbouproduk inspekteur
- Landbouprodukteverteenwoordiger
- Landbou voorligter
Studiekoste vir 2024
Eerstejaars
Die registrasiefooi vir
eerstejaars vir die jaar is R2 500.
Die totale studiekoste vir
eerstejaars vir die jaar is R52 000.
Tweedejaars
Die totale studiekoste vir
tweedejaars vir die jaar is R52 000.
Derdejaars
Die totale studiekoste vir
derdejaars vir die jaar is R5 600.
Die student se toelating tot BKO word bepaal deur vier faktore, nl.
- TOELATINGSVEREISTES
- REGISTRASIEFOOI
- TOELATINGSTOETS
- VERBLYFREG TOT ORANIA
Van Elektries na diploma in Siviele Ingenieurswese
Annalene Booyens, afgestudeerde Elektries-student by Bo-Karoo Opleiding wat tans besig is met haar diploma in Siviele Ingenieurswese, beskou haar reis by BKO as ‘n wonderlike geleentheid om te help bou aan ‘n gemeenskap en ‘n hoopvolle toekoms. Voor sy haar tuiste in Orania gevind het, het Annalene in Bloemfontein gewoon en grootgeword, waar sy by Hoërskool Sand du Plessis gematrikuleer het. In 2022 het sy na Orania getrek om haar studies by BKO te begin.
Ek was deel van Bo-Karoo Opleiding!
“Bo-Karoo Opleiding het my die geleentheid gegee om buite my gemaksone te beweeg en as mens te groei,” sê Chané Barnard, ‘n trotse afgestudeerde van die Tuisversorging-kursus by Bo-Karoo Opleiding (BKO).
Jong werkende se hart lê in Orania
Mikyla Weideman, ’n plaasdogter van Daniëlskuil, glo haar toekoms sal altyd verweef bly met Orania – die plek wat haar die geleentheid gegee het om te groei en haarself te vind.
In 2023 was Mikyla op die punt om na Bloemfontein te verhuis om sielkunde te studeer. Haar ma het egter voorgestel dat sy na Orania toe kom om as tuisversorger opgelei te word.