STUDENTELEWE
Bo-Karoo Opleiding (BKO) bied ’n oase van geleenthede en ontdekking in die hart van die Karoo. Ons unieke studentelewe skep vir studente ruimte en blootstelling binne ’n vrye en gesonde omgewing waar studente geborge kan voel en karaktervol gevorm word om in die werksplek te presteer en floreer. Hier moedig ons studente aan om akademiese uitnemendheid na te streef, persoonlike groei te omhels en hul identiteit as jong Afrikaner uit te leef. Buite die klaskamer kan studente nuwe idees verken en as veelsydige individue ontwikkel deur deelname aan sport, kultuur en sosiale aktiwiteite. By ons kampus sonder mure, is ons studente deel van die Orania-gemeenskap.
Ons studentelewe rus op 5 pilare naamlik:
- Koshuislewe
- Sport
- Kultuur
- Leierskap
- Studente-ondersteuning
- Koshuislewe
- Sport
- Kultuur
- Leierskap
- Studente-ondersteuning
KOSHUISLEWE
Is jy uitgeknip vir die bedrywige koshuislewe wat bruis van hope energie, met weeklikse gebeure, en koshuisvriende wat lewensvriende word?
BKO brei vinnig uit, en daar bestaan reeds vier koshuise, waaronder een dameskoshuis, twee manskoshuise en ’n daghuis vir studente wat privaat bly.
By BKO is studente nie net ’n getal op papier nie, maar deel van ’n koshuisfamilie. Florerende studente wat as span saam werk en leef, is die kern en hartklop van ons koshuislewe.
Elke koshuis het ’n voog en huiskomitee wat as leierskapstruktuur optree en die koshuis se eie unieke kultuur en aktiwiteite dryf en bevorder.
daghuis
Behalwe vir ons drie inblykoshuise, het die studente wat van privaatverblyf gebruik maak, die opsie om by ons daghuis, Heldehuis, in te skakel. Die daghuis beskik oor sy eie huiskomitee en klubhuis.
SPORT
Ons glo ‘n gesonde liggaam huisves
‘n gesonde gees
Ons glo ’n gesonde liggaam huisves ’n gesonde gees.
In samewerking met die Gemsbok Sportinstituut in die dorp sorg ons dat die studente die geleentheid kry om hul sporttalente uit te leef om sodoende verder te ontwikkel. In 2022 is die rugby- en netbalklub, Bo-Karoo Gemsbokklub, gestig. Die netbalspan neem jaarliks aan die streeksliga deel en het in hul stigtingsjaar reeds ’n vierde plek behaal en in 2024 ‘n 3de plek. Jaarliks word tussen drie tot vyf van ons spelers vir die streekspan gekies.
Ons glo dat dit belangrik is om vir ons spanne soveel as moontlik speeltyd en blootstelling te bied, daarom skep ons ook ons eie toernooie en ligas vir al drie hoof-sportsoorte, naamlik rugby, netbal en hokkie. Ons neem ook jaarliks aan die Bokkietoernooi deel wat in Orania aangebied word, asook inters met ander studente instellings, en ons eie Volksietoernooi.
Die gimnasium bied spesiale pryse vir studente.
Studente kan ook gratis aan die aksiesport deelneem wat deur die Sportinstituut aangebied word. Namate die behoefte ontstaan word ander sportsoorte ook verder ontwikkel.
KULTUUR
As jy ‘n kultuurdier is, is BKO
die regte plek vir jou!
Die derde pilaar waarop ons studentelewe rus, is kultuur en kunste, wat in samewerking met die Karoo Klanke en Klingels vir studente gebied word en omdat ons in ’n Afrikanerkultuurdorp woon is dit sommer maklik om dit vrylik uit te leef. Ons studente bou ook nog vlot vir die jaarlikse karnaval. Aan die begin van die jaar word die eerstejaars aan die dorp bekendgestel deur ’n eerstejaarskonsert waarmee die Orania Kunsteraad ons ook bystaan. Dit is altyd ’n groot hoogtepunt.
In 2025 stig ons amptelik ons eerste sanggroep wat by spesiale geleenthede optree en aan uitgesoekte byeenkomste in die dorp deelneem. Daar is ook ’n jaarlikse sangkompetisie tussen die vier koshuise waar hul vir koshuispunte meeding.
Ons studente herdenk ook saam met die res van Orania sekere vakansiedae wat deel van ons erfenis is, soos onder andere Majubadag, Stigtingsdag, Bittereinderdag, Heldedag en Geloftedag. Deur die loop van die jaar is daar ook gedig-, debat- en talentaande waaraan die studente deelneem.
LEIERSKAP
By BKO is daar hoofsaaklik drie hoof-studenteleierskapstrukture waar studente hul potensiaal as leiers kan ontwikkel en hul karakter gevorm kan word, naamlik:
- Die studenteraad
- Die huiskomitee
- Die komiteeforum
Die studenteraad (SR) is die direkte lyn tussen die studentesakekantoor en die ander studente. Die SR sorg dat studente se stemme gehoor word wanneer dit kom by kwessies wat hulle raak. Die SR is ook verantwoordelik vir die koördinering en uitrol van gesonde studente-aktiwiteite.
Elke koshuis beskik oor ‘n huiskomitee (HK) wat die studente in die koshuis koördineer ten opsigte van koshuiskultuur, netheid, dissipline en gesonde koshuistradisies en aktiwiteite. Vir die studente wat ’n HK posisie beklee. is dit ’n voorreg en leerskool om diensbaar te wees vir hul medestudente.
Die Studentekomitee werk saam met die studenteraad en rolspelers in die dorp om gesonde studente-aktiwiteite en projekte van stapel te stuur. Hulle kry insette van BKO sowel as rolspelers in die dorp wat veral by sport, kultuur en gemeenskapsprojekte betrokke is.
Binne ons leierskapstrukture tree studente ook in verbinding met belangrike rolspelers in die dorp, wat ’n betekenisvolle wisselwerking tussen die kampus en die gemeenskap moontlik maak.
LEIERSKAP
By BKO is daar hoofsaaklik drie hoof-studenteleierskapstrukture waar studente hul potensiaal as leiers kan ontwikkel en hul karakter gevorm kan word, naamlik:
- Die studenteraad
- Die huiskomitee
- Die komiteeforum
Die studenteraad (SR) is die direkte lyn tussen die studentesakekantoor en die ander studente. Die SR sorg dat studente se stemme gehoor word wanneer dit kom by kwessies wat hulle raak. Die SR is ook verantwoordelik vir die koördinering en uitrol van gesonde studente-aktiwiteite.
Elke koshuis beskik oor ‘n huiskomitee (HK) wat die studente in die koshuis koördineer ten opsigte van koshuiskultuur, netheid, dissipline en gesonde koshuistradisies en aktiwiteite. Vir die studente wat ’n HK posisie beklee. is dit ’n voorreg en leerskool om diensbaar te wees vir hul medestudente.
Die Studentekomitee werk saam met die studenteraad en rolspelers in die dorp om gesonde studente-aktiwiteite en projekte van stapel te stuur. Hulle kry insette van BKO sowel as rolspelers in die dorp wat veral by sport, kultuur en gemeenskapsprojekte betrokke is.
Binne ons leierskapstrukture tree studente ook in verbinding met belangrike rolspelers in die dorp, wat ’n betekenisvolle wisselwerking tussen die kampus en die gemeenskap moontlik maak.
STUDENTE-ONDERSTEUNING
Vanuit ons Christelike geloofsfondament spruit ondersteuning wat veral op geestelike en emosionele welstand konsentreer.
Ons studente-ondersteuningsafdeling staan gereed om met uitdagings op alle terreine van die lewe te help. Voorbereiding vir die werksplek, werksetiek, persoonlike begrotings en gesonde verhoudings is onder andere sake waarin ons studente help vorm.
Ons funksioneer in noue samewerking met die werknemersforum in Orania om studente te plaas waar hulle deeltyds kan werk om hulle inkomste aan te vul en praktiese ervaring op te doen. Indien nodig, begelei ons hulle deur die proses om aansoek te doen vir ’n rentevrye studielening. Al hierdie prosesse is van so ’n aard dat elke student self verantwoordelikheid neem en sodoende ook reeds ervaring opdoen wat hulle in die toekoms kan gebruik.
Ons het ’n noue verbintenis met die kerke in ons gemeenskap. Studente word aangemoedig om by plaaslike kerke in te skakel. Op kampus is daar ook geleenthede wat veral op geestelike vorming en groei toegespits is.
BKO se unieke studentelewe maak dit ’n voorkeurbestemming vir studente wat ’n betekenisvolle en uitdagende studie-ervaring wil hê, wat hul pad tot ’n suksesvolle toekoms sal voorberei. Doen nou aansoek!
STUDENTE-ONDERSTEUNING
Vanuit ons Christelike geloofsfondament spruit ondersteuning wat veral op geestelike en emosionele welstand konsentreer.
Ons studente-ondersteuningsafdeling staan gereed om met uitdagings op alle terreine van die lewe te help. Voorbereiding vir die werksplek, werksetiek, persoonlike begrotings en gesonde verhoudings is onder andere sake waarin ons studente help vorm.
Ons funksioneer in noue samewerking met die werknemersforum in Orania om studente te plaas waar hulle deeltyds kan werk om hulle inkomste aan te vul en praktiese ervaring op te doen. Indien nodig, begelei ons hulle deur die proses om aansoek te doen vir ’n rentevrye studielening. Al hierdie prosesse is van so ’n aard dat elke student self verantwoordelikheid neem en sodoende ook reeds ervaring opdoen wat hulle in die toekoms kan gebruik.
Ons het ’n noue verbintenis met die kerke in ons gemeenskap. Studente word aangemoedig om by plaaslike kerke in te skakel. Op kampus is daar ook geleenthede wat veral op geestelike vorming en groei toegespits is.
BKO se unieke studentelewe maak dit ’n voorkeurbestemming vir studente wat ’n betekenisvolle en uitdagende studie-ervaring wil hê, wat hul pad tot ’n suksesvolle toekoms sal voorberei. Doen nou aansoek!