Ons is trots om Dr. Ilse le Grange by Bo-Karoo Opleiding as lektor in die Landboudepartement te verwelkom. Ilse bring ’n ryk akademiese agtergrond en uitgebreide ondervinding in onderrig en kurrikulumontwikkeling. Sy het haar BSc in Chemie en PhD in Chemiese Biologie aan Stellenbosch Universiteit voltooi, en was daarna betrokke by dosente-ontwikkeling, modulekoördinering en die ontwikkeling van aanlyn- en hibriede leergeleenthede by die Natuurwetenskappe Fakulteit.
Ilse is entoesiasties om by te dra tot die ontwikkeling van ons Landbou-kurrikulum en moderne leergeleenthede. Haar passie vir mense en toegewydheid aan studente se sukses maak haar die ideale toevoeging tot ons dinamiese span.
Welkom, Ilse! Ons sien uit daarna om saam met jou die volgende hoofstuk in BKO se groei en sukses te skryf.
