Basiese Noodhulp
Basiese noodhulp rus jou toe om veilig, kalm en doelgerig op te tree wanneer iemand skielik siek of beseer word. Die program fokus op die eerste kritieke minute van ‘n noodgeval: maak die toneel veilig, evalueer die pasiënt, bied onmiddellike basiese noodhulp, roep professionele hulp, monitor die pasiënt en dra toepaslike inligting oor aan nooddienste.
Kwalifikasie
- QCTO-Beroepsvaardigheidsprogram: Basiese Noodhelper, NKR-vlak 2, 2 krediete, Vaardigheidsprogram ID: SP-230801
Toelatingvereistes
- Studente moet aan die aanlynleerkomponent en die verpligte praktiese kontaksessies in Orania kan deelneem
- Basiese digitale vaardighede
Onderwerpelemente
- Doelwitte en beginsels van Basiese Noodhulp.
- Toepassing van Basiese Noodhulp.
- Oorsig van die essensiële komponente van die menslike anatomie en fisiologie.
- Herken noodgevalle, beserings en siektes en die toepaslike behandeling.
- Veilige benadering tot ‘n noodtoneel en die aanvanklike pasiëntberaming.
- KPR vir volwassenes, kinders en babas en die veilige gebruik van ’n AED.
- Hantering van verstikking en asemnood.
- Beheer van bloeding en basiese sorg van wonde en brandwonde.
- Hantering van bewusteloosheid, die herstelposisie.
- Hantering van basiese traumabeserings.
- Kommunikasie met omstanders en nooddienste.
- Pasiëntoorhandiging en die veilige opruiming van die noodtoneel.
- Geen werkservaringmodule word vereis nie.
Aanbieding
Fase 1 – Aanlyn Teorie
Studente voltooi die teoretiese kennismodule op BKO se leerplatform. Die aanlyn deel kan binne die vasgestelde studietyd (1-2 weke) in die student se eie tyd voltooi word en sluit begeleide leeraktiwiteite en formatiewe assessering in.
Fase 2 – Praktiese opleiding in Orania
Die kennis word tydens ‘n verpligte praktiese kontaksessie toegepas. 08:00- 17:00. Studente oefen toneelveiligheid, pasiëntberaming, KPR, AED-gebruik, verstikking, bloeding, wonde, brandwonde, bewusteloosheid en ander basiese noodhulpvaardighede in die gegewe gevallestudie.
Fase 3 – Assessering en FISA
Studente moet die vereiste interne assesserings suksesvol voltooi voordat hulle die Final Integrated Supervised Assessment (FISA) aflê. Die FISA is ‘n toesighoudende praktiese assessering waarin die programuitkomste geïntegreerd gedemonstreer word, met mondelinge vrae oor ingebedde kennis waar toepaslik (ongeveer 2 ure).
tYDLYN
Fase 1 – Leer aanlyn (1-2 weke): Bemeester die grondbeginsels van noodhulp, veiligheid en pasiëntberaming op BKO se leerplatform.
Fase 2 – Oefen prakties (1 dag – 08:00-17:00): Kom na Orania en oefen KPR, AED, verstikking, bloeding, wonde, brandwonde en ander kernvaardighede in praktiese gevallestudies.
Fase 3 – Demonstreer bekwaamheid (2 ure): Voltooi die vereiste interne assesserings en die toesighoudende FISA.
Fase 4 – Sertifisering (word bepaal deur QCTO onafhanklik van BKO): Suksesvolle studente word volgens die QCTO-proses vir die vaardigheidsprogramsertifikaat ingedien.
Opleidingsmodel
Die Basiese Noodhulp-program volg ‘n gemengde-leer opleidingsmodel. Die program bestaan uit 2 krediete (ongeveer 20 leerure) en kombineer:
- Aanlyn teoretiese leer en begeleide selfstudie.
- Praktiese vaardigheidsopleiding en scenario-oefening in Orania.
- Deurlopende en interne summatiewe assessering.
- Final Integrated Supervised Assessment (FISA).
Die praktiese kontaksessie en FISA moet fisies bygewoon word. Die presiese kalender en kontaktyd word per inneming bevestig.
Aanbieding geskied hoofsaaklik in Afrikaans.
SERTIFISERING
Studente wat die program en vereiste assesserings suksesvol voltooi, word volgens die toepaslike QCTO-proses vir sertifisering ingedien. Die vaardigheidsprogramsertifikaat word deur die QCTO uitgereik, onderhewig aan die vereiste administratiewe en gehalteversekeringsprosesse.
VIR WIE IS HIERDIE KURSUS?
Hierdie kursus is geskik vir enigiemand wat wil weet hoe om verantwoordelik op te tree wanneer ‘n noodgeval gebeur – by die werk, by die huis, in ‘n skool, op die sportveld of in die gemeenskap. Dit is veral nuttig vir werkplek-noodhelpers, veiligheidsverteenwoordigers, toesighouers, onderwys- en versorgingspersoneel, afrigters, ouers en gemeenskapslede.
HOEKOM MOET JY BASIESE NOODHULP OORWEEG?
◊ ‘n Basiese Noodhelper weet wat om te doen om ‘n verskil te maak: Leer hoe om bloeding te stop, hartmassering te doen en reddende asemhaling te gee.
◊ Wees vaardig om mense te help: Praktiese vaardighede soos die veilige hantering van ’n bewustelose persoon, verbandtegniek en hulp aan iemand wat verstik is deel van die kursus.
◊ Gemengde leer is toeganklik: Al die nodige kennis leer jy stap vir stap aanlyn op ‘n rekenaar of jou mobiele telefoon teen jou eie pas.
◊ Nuwe QCTO kursus: By BKO glo ons dat die kursusse geakkrediteer moet wees sodat dit oral erken word. Die kursus is ook die eerste vlak in die QCTO-noodhulpvaardigheidspad en bied toegang tot die Intermediêre Noodhulp-program.
Koste-uitleg vir 2026
Afslagtariewe beskikbaar vir groepe van 15 persone-
Leermateriaal
-
Assesseringsfooie
-
Sertifiseringsadministrasie
-
Gebruik van die nodige noodhulptoerusting
-
Verblyf (indien benodig) moet self gereël word
Die student se toelating tot BKO word bepaal deur vier faktore, nl.
- TOELATINGSVEREISTES
- VOLTOOING VAN DIE REGISTRASIEPROSES
BKO brei landbou-aanbod verder uit met ‘n derde landboukwalifikasie vir 2027
Die nuwe kwalifikasie beteken dat voornemende studente vanaf 2027 uit drie toegewyde landbou-studiepaaie by BKO kan kies. Die uitbreiding vorm deel van BKO se groter groeistrategie om sy programaanbod uit te brei en meer jongmense met skaars en noodsaaklike vaardighede vir die arbeidsmark toe te rus.
Welkom by BKO, Victor Correia
Victor bring ’n veelsydige agtergrond na ons span toe, waar tegniese akademie en praktiese sagteware-ontwikkeling mekaar ontmoet.
Welkom by BKO, Lisa Scholtz!
Met haar sagte dog ferm benadering, sterk inisiatief en positiewe ingesteldheid, sien ons uit na die vars energie en entoesiasme wat sy na ons studentelewe gaan bring.