BKO is trots om Frans Marx as nuwe Lektor in Finansiële Bestuur en Rekenaarpraktyk in Departement Landbou aan boord te verwelkom.
Frans bring ’n stewige agtergrond van 25 jaar se praktiese ondervinding in bees-, skaap- en saaiboerdery saam, gesteun deur ’n BSc Agric-graad in Landbou-ekonomie en Ekonomie vanaf die Universiteit van die Vrystaat.
Benewens sy akademiese rol gaan Frans ook betrokke wees by die uitbreiding van die Leer-My-Hoe proefplaas en sien daarna uit om praktiese insig te kombineer met teoretiese opleiding. Sy passie, positiewe ingesteldheid en verbintenis tot BKO se kernwaardes maak hom ’n aanwins vir ons span en ons studente.
So bou BKO verder aan ’n hoopvolle toekoms van uitnemendheid in opleiding en arbeid van die volgende geslag landboukundiges.
