Gemengde Gewasse- en Veeboer
Hierdie kwalifikasie berei studente voor om as gemengde gewas- en veeboere te funksioneer. Die program integreer gewasproduksie en veebestuur en fokus onder andere op produksiebeplanning, grond- en waterbestuur, geïntegreerde plaag- en siektebeheer, oes- en na-oespraktyke, veevoeding en -gesondheid, mark- en waardekettingbestuur, klimaatbestande boerdery, wetgewing, etiek en basiese besigheidsbeginsels. Volhoubare boerderypraktyke, natuurlike hulpbronbewaring en die praktiese integrasie van gewasse en vee vorm ’n kernkomponent van die kwalifikasie.
Kwalifikasie
- Hoër Beroepsertifikaat: Gemengde Gewasse- en Veeboer, NKR-vlak 5, 197 krediete
Toelatingvereistes
- Graad 12 | NKR-vlak 4-kwalifikasie | NSS | Cambridge A-vlakke | Cambridge AS-vlakke (slegs Umalusi goedgekeurde matrieksertifikate)
- Met tenminste een van die volgende vakke: Landbouwetenskap | Landboubestuurspraktyk | Landboutegnologie | Lewenswetenskappe
Modules
MODULE NAAM | BESKRYWING |
Gewas- en Veebestuur | Ontwikkel die kennis om gewas- en veeproduksie te beplan en te bestuur, insluitend gewaskeuse, grondvoorbereiding, teling en volhoubare weiding. |
Bestuur van Landbouhulpbronne | Fokus op volhoubare gebruik van grond, water, biodiversiteit en ander natuurlike hulpbronne, asook toepaslike veebehuising. |
Geïntegreerde Plaag- en Siektebestuur in Landbou | Stel jou in staat om plae, onkruide en siektes in gewasse en vee te identifiseer, monitor, voorkom en beheer. |
Rypheid, Oes en Waardetoevoeging van Gewasse en Vee | Dek tydige oes, na-oeshantering, gradering, verwerking, waardetoevoeging en die markgereedheid van gewasse en vee. |
Gewasversorging, Voeding en Gesondheidsbestuur | Fokus op grondvrugbaarheid, gewasvoeding, besproeiing, gewasgesondheid en die bestuur van plae, siektes en onkruid. |
Veeteelt, Voeding en Gesondheidsbestuur | Ontwikkel kennis van veesorg, voeding, behuising, voortplanting, biosekuriteit, gesondheidsmonitering en siektevoorkoming. |
Produksiekoste, Mark- en Waardekettingbestuur | Dek produksiekoste, prysbepaling, markgeleenthede, bemarking, logistiek en die bestuur van landbouwaardekettings. |
Klimaatbestande Boerdery en Veebestuur | Fokus op aanpassing by klimaatsverandering deur geskikte gewasse en veerasse, slim tegnologie, waterbestuur en klimaatbestande praktyke. |
Wetgewende Raamwerk, Etiek en Besigheidsbeginsels | Bied ’n grondslag in basiese besigheidsbeginsels, werkplek-etiek, gedragskodes en relevante landbou-wetgewing. |
MODULE NAAM | BESKRYWING |
Bestuur gewas- en veeproduksiepraktyke | Pas geïntegreerde produksiepraktyke toe, waaronder gewaskeuse, veehantering, grondtoetsing, bemesting, kompos, produksierekords en basiese plaasfinansies. |
Volhoubare land- en hulpbronbestuur | Evalueer grondgebruik en pas grondbewaring, waterbestuur en toepaslike plaasinfrastruktuur toe. |
Geïntegreerde plaag- en siektebestuur | Pas volhoubare moniterings-, voorkomings- en beheerpraktyke vir gewasse en vee toe. |
Na-oesbestuur en speen | Voer na-oeshantering, kwaliteitbeheer, waardetoevoeging en toepaslike speen- en markgereedheidspraktyke uit. |
Veevoeding en skuiling | Voorsien toepaslike voeding, water, behuising en basiese welsyns- en gesondheidspraktyke vir vee. |
Grondvoorbereiding en gewasproduksie | Berei grond voor, plant of saai, bemes, besproei en beheer gewasplae en -siektes. |
Markintelligensie en agribesigheidsontwikkeling | Versamel markinligting, bou plaaslike verhoudings en ondersteun bemarking en agribesigheidsontwikkeling. |
Klimaatbestande boerdery | Pas praktyke toe wat gewas- en veeproduksie meer bestand teen veranderende weer- en klimaattoestande maak. |
Opleidingsmodel
Die kwalifikasie kombineer 12 maande se kennis- en praktiese vaardigheidsmodules op kampus en ses maande se werkservaringsmodules by ’n werkgewer. Na afloop van die werkservaringsmodules word ’n eksterne eksamen, die EISA-eksamen , afgelê om die kwalifikasie te verwerf. Die program is toepassingsgerig en berei die student voor om gewas- en veeproduksie as ’n geïntegreerde boerderystelsel te bestuur. Leermateriaal en assesserings is in Engels, klasse is in Afrikaans.
WERSKERVARING
Ses maande se werkservaring is ’n verpligte deel van die kwalifikasie. Studente moet praktiese blootstelling opdoen aan geïntegreerde gewas- en veeboerderystelsels, natuurlike-hulpbronbestuur, plaag- en siektebeheer, markgereedheid, veebestuur en -gesondheid, gewasproduksie, markverhoudings en klimaatresponsiewe boerderypraktyke.
POTENSIËLE LOOPBAAN- EN VERDERE STUDIEMOONTLIKHEDE
POTENSIËLE LOOPBAAN- EN VERDERE STUDIEMOONTLIKHEDE
- Gemengde gewas- en veeboer
- Selfstandige boerdery binne ’n geïntegreerde gewas- en veeproduksiestelsel
- Dieregesondheids- en inentingsassistent
- Tegniese verkoopsverteenwoordiger (veevoer, dieremedisyne, kunsmis en -toerusting)
- Voorligtingsbeampte
- Landboukundige assistent by banke (veefinansiering)
- Boer / plaasbestuurder
- Gewas- en kwekerybestuurder
- Plaag- en siektebeheerkonsultant
- Gewas-, vee- en landboubemarker
- Aankoop- en waardekettingkoördineerder
- Landbou-ondernemer (agri-entrepreneur)
Koste-uitleg vir 2027
-
Deposito van R 5000 is vooraf betaalbaar
-
12 maande teorie- en praktiese opleiding
-
Persoonlike beskermingstoerusting is ingesluit
-
Eerstejaarskampfooi van R1 800 is uitgesluit
Die student se toelating tot BKO word bepaal deur vier faktore, nl.
- TOELATINGSVEREISTES
- DEPOSITO
- VERBLYFREG TOT ORANIA
- VOLTOOING VAN DIE REGISTRASIEPROSES
Steenwerk Vakmanuitdaging 2024 by Orania Karnaval – ‘n Suksesvolle Kompetisie!
Bo-Karoo Opleiding het weer die gewilde Steenwerk Vakmanuitdaging aangebied tydens die Orania Karnaval, en ons is trots om die talentvolle deelnemers en borge uit te lig. Vanjaar het 11 spanne, elk bestaande uit ‘n bouer en ‘n handlanger, mekaar die stryd aangesê. Ten spyte van die heerlike reën wat die karnaval verfris het, het dit nie die passie en kompeterende gees van die bouers geblus nie. Elke span het gebou volgens ‘n plan ontwerp deur Cornè Cawthorn van Ora Ligte Staal, met sand wat geborg is deur Wilco. Die prysgeld is 50/50 geborg deur die Orania Dorpsraad en Bo-Karoo Opleiding.
Nuwe Beroepskwalifikasie Model versterk Vaardighede by Bo-Karoo Opleiding
Bo-Karoo Opleiding (BKO) breek nuwe grond met die implementering van ‘n innoverende beroepskwalifikasie model vir studies met 2025 innames, wat die tradisionele vakleerlingskap vervang en daarop fokus om jong vakleerlinge toe te rus met noodsaaklike vaardighede wat aan moderne bedryfsvereistes voldoen.
Jong entrepreneur verbreed sy kennisveld
By Bo-Karoo Opleiding sal ‘n jong entrepreneur ‘n ideale wegspringplek vind vir ‘n loopbaan as suksesvolle besigheidsman- of vrou.
Dít het Corné Cawthorn terdeë besef in die afgelope drie jaar van studies by Bo-Karoo Opleiding. Corné, afkomstig van Aliwal-Noord, is ‘n afgestudeerde Bou-en Siviele Konstruksie-student, en is tans besig met sy diploma in Siviele Ingenieurswese.