Bou- en Siviele Konstruksie
Hierdie beroepsertifikaat stel studente in staat om die kern beginsels van die bou- en konstruksiebedryf te verstaan, soos die voorbereiding van die bouterrein, materiaal, gereedskap en toerusting. Dit voorsien hulle met die nodige kennis en vaardighede vir die lê van verskeie stene, insluitend sierstene, pleisterstene, klip (gesnede en ongesnede) en blokstene. Hulle sal sub- en superstrukture kan oprig, herstel en/of veranderinge aanbring, asook messelwerkafwerkings kan uitvoer.
Kwalifikasie
- Beroepsertifikaat: Messelaar, NKR-vlak 4, 361 krediete, SAQA ID: 93627
Toelatingsvereistes
- Graad 10-kwalifikasie
- Minimum ouderdom van 18 jaar
- Goeie fisiese gesondheid
Modules
BEROEPSGESONDHEID EN -VEILIGHEID
TEËL EN PLAVEISEL
LEES EN INTERPRETASIE VAN BOUPLANNE
MESSEL- EN PLEISTERWERK
OPRIGTING VAN DAKKE
BESTUUR VAN KONSTRUKSIEHULPBRONNE
EN NOG MEER…
Opleidingsmodel
Opleiding geskied aaneenlopend in drie fases, nl. teoretiese-, praktiese vaardigheids- en werkservaringmodules, wat mekaar oor ‘n tydperk van 36 maande afwissel. Studente is verplig om die 18 maande teoretiese – en praktiese werkswinkelkontaksessies in Orania by te woon, waartydens die lektor die voorgeskrewe teorie met hulle behandel. Klasse neem daagliks 08:00 in aanvang en kan, met inbegrip van pouses en middagete, tot 16:00 duur. Tydens die teoretiese en praktiese vaardigheids fases sal studente in Orania wees, waarná hulle hul werkservaringmodules landswyd by goedgekeurde kontrakteurs kan verrig vir die oorblywende 18 maande. Klasse word in Afrikaans aangebied, maar die studiemateriaal word in Engels uitgereik.
Gedurende die laaste vier maande van die student se werksplek ervaringstydperk, sal hy/sy die geleentheid gebied word om voorbereiding vir sy/haar vaktoets te doen. Wanneer die student al die vereistes slaag gedurende die vaktoetsvoorbereiding, sal die vaktoetsaansoekproses begin.
POTENSIËLE WERKSGELEENTHEDE NÁ VOLTOOIING VAN DIE KURSUS:
HIERDIE KWALIFIKASIE STEL STUDENTE IN STAAT OM:
POTENSIËLE WERKSGELEENTHEDE NÁ VOLTOOIING VAN DIE KURSUS:
HIERDIE KWALIFIKASIE STEL STUDENTE IN STAAT OM:
- die terrein, materiaal, gereedskap en toerusting vir die lê van stene te beplan en daarvoor voor te berei;
- bakstene te lê;
- te teël en plavei;
- substrukture en superstrukture te herstel en/of veranderinge aan te bring;
- messelwerkafwerkings uit te voer;
- boumateriaal hoeveelhede te bepaal en te bestel;
- die vereiste gereedskap en toerusting te identifiseer, veilig te gebruik en te onderhou;
- die arbeid-, toerusting- en materiaalhulpbronne van ’n konstruksieprojek te bestuur.
Koste-uitleg vir 2027
-
Deposito van R5 000 is vooraf betaalbaar
-
18 maande teorie- en praktiese opleiding
-
Vaktoetsvoorbereiding is ingesluit
-
Vaktoetskostes is uitgesluit
-
Persoonlike beskermingstoerusting is uitgesluit
-
Eerstejaarskampfooi van R1 800 is uitgesluit
Die student se toelating tot BKO word bepaal deur vier faktore, nl.
- TOELATINGSVEREISTES
- DEPOSITO
- VERBLYFREG TOT ORANIA
- VOLTOOING VAN DIE REGISTRASIEPROSES
Steenwerk Vakmanuitdaging 2024 by Orania Karnaval – ‘n Suksesvolle Kompetisie!
Bo-Karoo Opleiding het weer die gewilde Steenwerk Vakmanuitdaging aangebied tydens die Orania Karnaval, en ons is trots om die talentvolle deelnemers en borge uit te lig. Vanjaar het 11 spanne, elk bestaande uit ‘n bouer en ‘n handlanger, mekaar die stryd aangesê. Ten spyte van die heerlike reën wat die karnaval verfris het, het dit nie die passie en kompeterende gees van die bouers geblus nie. Elke span het gebou volgens ‘n plan ontwerp deur Cornè Cawthorn van Ora Ligte Staal, met sand wat geborg is deur Wilco. Die prysgeld is 50/50 geborg deur die Orania Dorpsraad en Bo-Karoo Opleiding.
Nuwe Beroepskwalifikasie Model versterk Vaardighede by Bo-Karoo Opleiding
Bo-Karoo Opleiding (BKO) breek nuwe grond met die implementering van ‘n innoverende beroepskwalifikasie model vir studies met 2025 innames, wat die tradisionele vakleerlingskap vervang en daarop fokus om jong vakleerlinge toe te rus met noodsaaklike vaardighede wat aan moderne bedryfsvereistes voldoen.
Jong entrepreneur verbreed sy kennisveld
By Bo-Karoo Opleiding sal ‘n jong entrepreneur ‘n ideale wegspringplek vind vir ‘n loopbaan as suksesvolle besigheidsman- of vrou.
Dít het Corné Cawthorn terdeë besef in die afgelope drie jaar van studies by Bo-Karoo Opleiding. Corné, afkomstig van Aliwal-Noord, is ‘n afgestudeerde Bou-en Siviele Konstruksie-student, en is tans besig met sy diploma in Siviele Ingenieurswese.